अमेरिकामा किशोर किशोरीको ‘कलिउड नाइट’ कार्यक्रम

अमेरिकामा जन्मिएका दोस्रो पुस्ताका किशोरीहरुको सम्मेलन अर्थात ‘कलिउड नाइट’ कार्यक्रम हुने भएको छ । आगामी २० सेप्टेम्बर शनिबार अमेरिकामा जन्मिएका दोश्रो पुस्ताका किशोरीहरुको आह्वानमा ‘कलिउड नाइट’ कार्यक्रम हुने भएको हो ।

उनीहरुले कार्यक्रमका लागि विभिन्न प्रस्तुतीमूलक अभ्यास गरिरहेका छन् । कार्यक्रममा गीत गायन, नृत्य प्रस्तुती लगायतका आकर्षण रहनेछन् । अमेरिकामा जन्मिएका तथा हुर्किएका विद्यार्थी उमेरका नेपाली अमेरिकन समुदायका किशोर किशोरीले विशेष रुपमा यो कार्यक्रममा भाग लिने गरेका छन् । 

नवीन केसी र लुना श्रेष्ठले स्थापना गरेको यो कार्यक्रमले अमेरिकामा रहेका नेपाली मूलका किशोरकिशोरीले आफ्नो प्रतिभा उजागार गर्ने ठाउँका रुपमा चिनिरहेका छन् ।