अमेरिकाको डिभी अब कहिले खुल्छ ?

अमेरिकाले अक्टोबर २ देखि नोभेम्बर ५ सम्म डाइभर्सिटी भिसा (डिभी) लोटरीको आवेदन खुलाउने भएपनि यसपटक अझै खुला गरेको छैन । यसबारे धेरै अड्कलबाजी भइरहेका छन् ।

अमेरिकाले केही समयको लागि डिभी लोटरीको प्रक्रिया स्थगित गरेको छ । तर कहिलेसम्म भने एकिन छैन । डिभी लोटरीका लागि आवेदन दिँदा पहिले कुनै शुल्क तिर्न नपर्ने भएपनि यसपटकदेखि १ डलर तिर्नुपर्ने प्रावधान राख्न लागिएको छ । जसकारण केही ढिलाई भएको अनुमान छ ।

त्यसको भुक्तानी कसरी गर्ने भनेर प्रावधान तोक्न बाँकी नै छ। किनकी अहिलेसम्म डिभीको आवेदन निःशुल्क थियो। अब शुल्क लिने भएपछि त्यसको व्यवस्थापन पनि गर्नै पर्ने हुन्छ।

त्यसबाहेक अमेरिकामा पछिल्लो डेढ महिनादेखि सटडाउन भएका कारण पनि यो कार्यक्रम प्रभावित भएको आँकलन छ । यद्यपी सटडाउन अन्त्य भइसकेका कारण अब डिभी प्रक्रिया छिट्टै खुल्न सक्ने पनि अनुमान गरिएको छ ।