एनआरएनए कोलम्बियाको अध्यक्षमा मैनाली निर्वाचित

काठमाडौं : गैरआवासीय नेपाली संघ (एनआरएनए) राष्ट्रिय समन्वय परिषद् (एनसीसी) कोलम्बियाको अध्यक्षमा छत्रबहादुर मैनाली चयन भएका छन् ।

साउन ११ गते सम्पन्न राष्ट्रिय महाधिवेशनबाट मैनालीको अध्यक्षतामा १० सदस्यीय नयाँ कार्यसमिति गठन गरिएको हो । एनआरएनए अमेरिकी क्षेत्रका क्षेत्रीय संयोजक बेद बस्नेतको भर्चुअल उपस्थितिमा नयाँ कार्यसमिति चयन गरिएको हो ।

उक्त महाधिवेशनले २०२५ जुन ८ मा गठन भएको तदर्थ समिति विघटन गर्दै, मैनालीकै अध्यक्षतामा नयाँ कार्यसमिति गठन गरेको हो ।

समितिको उपाध्यक्षमा लालबहादुर गुरूङ, महासचिवमा सुन्दर तामाङ, उपमहासचिवमा प्रेमबहादुर छेत्री, कोषाध्यक्षमा मिथुन थापा, सचिवमा कमल शर्मा, उप–सचिवमा सूर्यबहादुर पुन चयन भएका छन् । सदस्यहरूमा प्रविना राई, जीतबहादुर गुरूङ, धनबहादुर तामाङ रहेका छन् ।