कोलोराडोमा जेनजी सहिदहरुको सम्झनामा दीप प्रज्ज्वलन

भ्रष्टाचार अन्त्य र सामाजिक सञ्जालमाथि लगाइएको प्रतिबन्ध फुकुवा गर्न माग गर्दै आन्दोलनमा उत्रिदा मारिएका जेनजी युवाको सम्झनामा अमेरिकाको कोलोराडोमा दीप प्रज्वलन तथा शोकसभा गरिएको छ ।

एनआरएनए कोलोराडो च्याप्टरको संयोजनमा कोलोराडोस्थित नेपाली घरमा दीप प्रज्ज्वलन गरिएको हो । आन्दोलनमा क्रममा मारिएका १९ जनाको सम्झनामा एक मिनेट मौनधारण कार्यक्रम गरिएको थियो । त्यसपछि क्यान्डल बालेर मृतकहरुको सम्झना गरिएको थियो । 

जेनजी युवाहरुको आन्दोलनमा प्रहरीले गोली चलाउँदा १९ जना युवाहरुको मृत्यु भएको थियो भने तीन सय जना भन्दा धेरै घाइते भएका छन् ।