अमेरिकाको डालसमा नेजा कन्क्लेभ सम्पन्न

टेक्सस । उत्तर अमेरिकामा क्रियाशील नेपाली पत्रकारहरूको साझा संस्था नेपाल अमेरिका पत्रकार संघ (नेजा) ले आफ्नो १९औँ स्थापना दिवसको अवसरमा टेक्ससको ड्यालसमा नेजा कन्क्लेभ सम्पन्न गरेको छ ।

कन्क्लेभमा पत्रकारिता, समाज, लगानी, डायस्पोरा र नेपाली समुदायका विभिन्न सरोकारका विषयमा संवाद भएको थियो । नेपाल कन्क्लेभले विदेशमा बस्ने नेपालीका समस्या र समाधानका उपायमा पत्रकारिताले गरेको योगदान, आवश्यकता तथा सामाजिक विषयमा अन्तरसंवाद आवश्यक रहेको पनि औँल्याएको छ ।

विभिन्न समयमा पत्रकारितामा सक्रिय रहेका व्यक्ति तथा व्यक्तित्व एवं सामाजिक नेतृत्वबीचको कन्क्लेभले अमेरिकी डायस्पोरामा उठेका विविध विषय समेट्ने प्रयास गरेको पनि अध्यक्ष सुरज भण्डारीले बताए । उनका अनुसार नेपाल स्थापना दिवसका अवसरमा कन्क्लेभ आयोजना गरिएको हो ।