बेलायतमा कफी च्याम्पियन नेपाली युवा

नेपाली युवा धन तामाङ लाते विधाको विश्व कफी प्रतिष्पर्धाका च्याम्पियन हुन् । बेलायतको वीन्च्येष्टरमा १२ वर्षदेखि व्यापार गरिरहेका तामाङ ‘यूके लाट्टे आर्ट च्याम्पियन’ प्रतिष्पर्धामा ६ पटकसम्म उपाधि जित्न सफल नेपाली युवा हुन् । 

उनले दर्जन बढी विधाको कफी बनाएर बेलायती र विश्वभरीका कफी पारखीलाई चुस्की चखाइरहेका छन् । कफीका विभिन्न आकृति र फ्लेभर निकालेर अच्चमित पार्ने तामाङ अहिले विश्वबजारमा कफीका शक्तिशाली कलाकार हुन् ।

सन् २०१६ देखि उनले बेलायतबाट विश्वबजारमा अमेरिकन, बेलायती, जापानिज, चाइनिज, अफ्रिकन, एसियन लगायत धेरै स्वादको कफी पस्किरहेका छन् ।

कफीले चिनिएर बेलायतबाट प्रख्यात हुँदै विभिन्न ६ वटा कम्पनीका ब्राण्डएम्बास्डर रहेका धन तामाङ कफीको दूनियाँमा नेपाली झण्डालाई नयाँ उचाईमा लिइरहेका छन् । 

काभ्रे तिमालका तामाङ सुरुमा कुवेत गएका थिए । सन् २०१० मा विद्यार्थी भिसामा बेलायत गएका उनी कफी शपबाट निकारिँदै बेलायतकै कफी च्याम्पियन बन्न सफल भएका हुन् । बेलायतमा आफ्नै कफी शप खोलेर व्यवसाय चलाइरहेका उनका कफी सम्बन्धीका केही पुस्तक पनि प्रकाशित छन् । 

(सम्पादकीय नोट : ‘१०० नेपाली डायस्पोरा’ विदेशमा आफ्नो क्षेत्रमा उत्कृष्ट काम गरिरहेका प्रभावशाली नेपालीहरुको सूचि हो । हामी क्रमशः सबै क्षेत्रका उत्कृष्ट व्यक्तिहरुको १०० शब्दको छोटो परिचयसहितको व्यक्तित्व विवरण प्रकाशित गरिरहेका छौँ । पूरा सूचि सार्वजनिक गरेपछि उत्कृष्ट १० जनामध्येबाट एक जनालाई खुला भोटिङमार्फत ‘वर्ष व्यक्ति २०२५’ पनि घोषणा गर्नेछौँ ।)