युरोपमा सम्मानित नेपाली युवा वैज्ञानिक 

डा. सरोज अर्याल युवा वैज्ञानिक हुन् । उनी लामो समयदेखि पोल्याण्ड बस्दै आएका छन् । युरोपको एक महत्वपूर्ण देश पोल्याण्डमा अर्याल सुरुवाती समयदेखि नै विभिन्न खोज तथा अनुसन्धानमा लागेका थिए । जसकारण उनले पोल्याण्डमा केही नयाँ र विशेष खोज गर्दै त्यहाँको सरकारको मन जित्न सफल भएका छन् । 

जसकारण उनलाई हालै पोल्याण्डको शिक्षा तथा स्वास्थ्य मन्त्रालयले युवा वैज्ञानिक पुरस्कारबाट सम्मान गरेको छ । पोल्याण्डमा त्यहाँको सरकारबाट सम्मानित हुनेमा डा. अर्याल युवा वैज्ञानिकका रुपमा पहिलो व्यक्ति मानिन्छन् । 

डा.अर्याल अन्तर्राष्ट्रिय सम्बन्धका ज्ञाता हुन् । अध्ययन तथा विश्लेषणमा लामो समय सक्रिय रहेका उनले पोल्याण्डको वार्स्व विश्वविद्यालयबाट अन्तर्राष्ट्रिय सम्बन्ध विषयमा विद्यावारिधी गरेका छन् ।

अन्तर्राष्ट्रिय सम्बन्ध विषयमा पीएचडी गरेर पोल्याण्डमा युवा वैज्ञानिक पुरस्कारबाट सम्मानित भएका डा.अर्याल नेपाल लगायत विश्व राजनीतिबारे विभिन्न मञ्च तथा फोरमहरुमा आफ्नो महत्वपुर्ण अध्ययन प्रतिवेदन पनि प्रस्तुत गर्ने गर्छन् । जसकारण उनको विश्लेषणलाई नेपाली डायस्पोरा र अन्तर्राष्ट्रिय मिडियाहरुले महत्वका साथ पछ्याउने गरेका छन् ।