अन्तरिम सरकारको प्रधानमन्त्री बालेनलाई बनाउने तयारी

कोलोराडो : प्रधानमन्त्री केपी शर्मा ओलीलाई राजीनामा गराएपछि सरकारविहीन बनेको नेपालमा अन्तरिम सरकारको प्रधानमन्त्री बालेनलाई बनाउने तयारी भएको छ । ओलीले राजीनामा गरेपछि बालेनले स्टाट्स लेख्दै अब सेना प्रमुखसँग वार्ता गर्ने तयारी गर्न जेनजी आन्दोलित युवालाई आग्रह गरेका छन् । 

ओलीको राजीनामा आएलगत्तै बालेनको स्टाट्सले यस्तो संकेत गरेको हो । ओलीको राजीनामा आएपछि बालेन, नेपाल सरकारका मुख्य सचिव, नेपाल प्रहरीका प्रमुख, नेपाली सेनाका प्रमुख, सशस्त्रका प्रमुख लगायतको पनि विज्ञप्ती आएको छ ।

अब वार्तामार्फत समाधान खोजिने र अन्तरिम सरकार बनाइने जेनजी युवाहरुको भनाई छ । जसको मूल नेतृत्वमा बालेन छन् । बालेनले अब सबै सत्ता युवाको हातमा आइसकेको भन्दै शान्त भएर सेना प्रमुखसँग वार्ताका लागि तयार हुन आग्रह गरेका छन् ।

उनले सेना प्रमुखसँग वार्ता हुनुअघि संसद विघटन हुनुपर्ने माग राखेका छन् । बालेन अन्तरिम सरकारको प्रमुख बनेपछि देश चुनावमा जान सक्ने सम्भावना छ ।