जेनजीले बुढा नेताहरुको सत्ता ढाल्दा नेपाली डायस्पोरा खुशी

वर्षौदेखि जकडिएको नेपाली बुढा नेताहरुको सत्ता ढल्दा नेपाली डायस्पोरा खुशी देखिएको छ । सोमबार जेनजी आन्दोलन सुरु हुँदा सुरुवातमा उत्साहित देखिएको डायस्पोरा १९ जना युवाहरुमाथि गोली प्रहार भएपछि दुःखी भएको थियो ।

सो दुःख मनाउमा उनीहरुले दीप प्रज्ज्वलन गरेर आन्दोलनमा बलिदान दिनेहरुको सम्झना गरेका थिए । तर मंगलबारदेखिको आन्दोलनले मुर्त रुप लिदै प्रधानमन्त्री केपी शर्मा ओलीको राजीनामा र शेरबहादुर देउवा लगायतका नेताहरुमाथि कुटपिट हुँदा नेपाली डायस्पोरा पनि खुशी देखिएको हो ।

अब पुराना पार्टी, दल, नेता र भ्रष्टाचारमा चुर्लुम्म डुबेका नेताहरु सायदै राजनीतिमा देखिने छन् । अब देशभर २५ देखि ३० वर्षमूनिका युवाहरु राजनीतिको फ्रन्टलाइनमा देखिने सम्भावना हावी भएको छ । जेनजीको निर्णायक आन्दोलनसँगै एमाले, कांग्रेस र माओवादी नेताहरुको राजनीति पनि धरापमा परेको छ ।

जेनजी आन्दोलनले निर्णायक मोड लिएपछि अब एमाले अध्यक्ष ओली, कांग्रेस सभापति शेरबहादुर देउवा र माओवादी अध्यक्ष प्रचण्डको राजनीति, सत्ता र शक्ति लगभग समाप्त भएको छ ।