नेपाली डायस्पोरा हेर्ने एउटा नयाँ आँखीझ्याल

नेपाल एउटा देश मात्रै होइन । यो संसारको शीर हो । नेपाल एउटा भूगोल मात्रै होइन । यो भावना हो । जो संसारभरी छरिएको छ । फैलिएको छ । नेपाललाई संसारको सर्वोच्च शिखर सगरमाथा र शान्तिका प्रतिक भगवान गौतम बुद्धले विश्वका सबैभन्दा शक्तिशाली मञ्चहरुमा प्रतिनिधित्व गरिरहेका छन् ।

समयको वेगसँगै बगिरहेको नेपालीहरुको भावना आज विश्वका लगभग सबैजसो देशका कुनाकुनामा फैलिरहेको छ । एउटा नेपाली जहाँ रहे पनि । जहाँ भए पनि । जुनसूकै ठाउँ पुगे पनि त्यहाँ नेपाल गुञ्जिएको छ । नेपाल बोलिएको छ । नेपाल छरिएको छ । नेपाल रोपिएको छ । अनि नेपाल अडिएको छ । 

सगरमाथाको शीर बोकेर चन्द्र र सुर्य अंकित झण्डा छाँतीमा टाँसेर, गौतम बुद्धको शान्ति सन्देश बोकेर नेपालीहरुको संसार यात्रा सयौँ वर्षदेखि चलिरहेको थियो । चलिरहेको छ । सयौँ सयौँ वर्ष चलिरहनेछ । हामी संसारभर फैलिरहेका ती नेपालीको पौरख हेरिरहेका छौँ । उनीहरुको गौरवको कथा, व्यथा र गाथा सुनिरहेका छौँ । पढिरहेका छौँ । बुझिरहेका छौँ । 

एउटा नेपाली काठमाडौँको त्रिभुवन अन्तर्राष्ट्रिय विमानस्थलबाट उडिरहँदा उसले देखिरहेको सपना, सुरु गरेको संघर्ष र त्यसले कतै न कतै भेट्टाइरहेको सफलताले नेपालको नाम स्वर्णिम अक्षरले लेखिरहेको छ । इतिहास कोरिरहेको छ । यात्रा जारी राखेर नेपाली मन संसारसँग जोडिरहेको छ । 

यो श्रृङ्खलाको साक्षी हामी बन्न चाहन्छौँ । उनीहरुको संघर्षको सहयात्री हामी हौँ भनेर भन्न चाहन्छौँ । किनकी कोही त चाहिन्छ, जसले परदेशको ठाउँमा आफ्नो पसिना बगाएर बनाएको इतिहास लेख्न । आफ्नो पौरख चलाएर स्थापित गरेको मूल्य र मान्यताको मापन गर्न । अनि नेपालको गौरव बन्न उसले पाइला पाइलामा चुकाइरहेको मूल्यको अमूल्य समय देखाउन । 

हो, हामी त्यही समयको कुरा गर्नेछौँ । त्यही सपनाको कुरा लेख्नेछौँ । र, त्यही समय र सपनाले लेखिरहेको इतिहास सुरक्षित राख्नेछौँ । अनि संसारभर रहेका नेपालीहरुलाई उनीहरुको सपना, संघर्ष र सफलताको हिस्साबाट प्रेरित भएर अघि बढ्न प्रोत्साहित गरिरहनेछौँ ।

हिजो नेपालबाट नेपालीहरु छिमेकी देश भारत जान्थे । फर्किन्थे । तर अहिले हजारौँ नेपालीको संख्या देशबाट विदेश मात्रै गइरहेको छैन । त्यहाँ असीमित दुःख गरेर आफ्नो नाम बनाएको छ । फाउण्डेसन जन्माएको छ । त्यसले कुनै न कुनै सफलताको मानक स्थापित गरेको छ ।

हामी ती मानकहरुको पनि मूल्यांकन गरेर अमेरिका, युरोप, एसिया, अफ्रिका लगायत महादेशमा रहेका नेपालीहरुको पौरख, गौरव र गाथाहरु संकलन गरेर १०० नेपाली डायस्पोराको सुन्दर माला उन्ने प्रयत्न गर्नेछौँ ।

जसले विदेशमा रहेका लाखौँ नेपालीहरुमा केही भिन्न, केही फरक, केही विशेष क्षमता भएका व्यक्तित्व चिन्ने र चिनाउने प्रयास गर्नेछ भन्ने विश्वास लिएको छ । हामी आजको समयमा समाजिक सञ्जालले फैलाइरहेको सूचना र समाचार मात्रै खोज्ने प्रयास गर्नेछैनौँ । त्यो हाम्रो प्राथमिकताको विषय हो ।

तर सबैभन्दा ठूलो प्राथमिकता हामी नेपाली नाम, नेपाली काम, नेपाली उत्पादन र त्यसको विश्व बजारीकरणमा रात दिन नभनी लागिरहेका नेपालीहरु खोज्नेछौँ । जसले आफ्नो मेहनतमा । पसिनामा । पौरख र पुर्खामा विश्वास गरेर नेपालको नाम विश्वभर फैलाएर अघि बढ्दैछ, हामी उनीहरुलाई जोड्नेछौँ । अनि १०० जना उत्कृष्ट नेपाली डायस्पोरा व्यक्तित्वको सूचि प्रकाशन गर्नेछौँ ।

यो श्रृङ्खला यस वर्षदेखि सुरु गरेर हरेक वर्ष निरन्तरता दिनेछौँ । जसले आजको आर्टिफिसियल इन्टेलिजेन्स अर्थात एआईको समयमा छरपस्ट नेपालीहरुको नाम एकसाथ राखेर उत्कृष्ट नेपालीहरुको नाम इन्टरनेटको माध्यमबाट संसारभर प्रस्तुत गर्नेछौँ ।

जसमाथि नेपाल, नेपाली र नेपाली डायस्पोराले सँधै गर्व गर्न सकोस् । आफ्नो पसिनाको मूल्य बुझेर आफैँलाई प्रोत्साहित गर्न सकोस । अनि केही राम्रो प्रयास गरिरहेकाहरुलाई सँधै प्रोत्साहित गरिरहन सकोस् । हामी यो प्रयासको सानो सहयात्री बन्नेछौँ । आशा छ, यो यात्रामा तपाईको साथ, सहयोग र सहयात्रा पाउने विश्वास राखेका छौँ ।

अमेरिकाको कोलोराडोबाट द एभरेष्ट इंकद्धारा सञ्चालित १०० नेपाली डायस्पोराले आजदेखि औपचारिक रुपमा विश्वभर रहेका नेपालीहरुको सपना, संघर्ष र सफलताको नयाँ सहयात्री बन्दै यात्रा प्रारम्भ गरेको जानकारी गराउन चाहन्छौँ । 

जय नेपाल ! जय नेपाली डायस्पोरा !! १०० नेपाली डायस्पोरा !!!

                                                                         ‘द एभरेष्ट इंक’ 

                                                                    १०० नेपाली डायस्पोरा 

                                                                    कोलोराडो, अमेरिका