एनआरएनए अमेरिकाको सञ्चार संयोजकमा सुधीर 

कोलोराडो : एनआरएनए अमेरिकाको सञ्चार समिति संयोजकमा पत्रकार सुधीर भण्डारी मनोनित भएका छन् । एनआरएनए अमेरिकाका प्रवक्ता सन्देश उप्रेतिले पत्रकार भण्डारीलाई सञ्चार संयोजकमा मनोनित गरिएको बताएका छन् ।

नेपालमा झण्डै १० वर्ष लामो मूलधारमा पत्रकारिता गरेका भण्डारी एक वर्ष अघि अमेरिका आइपुगेका थिए । इमेल टेलिभिजनबाट पत्रकारिता सुरु गरेर  सेतोपाटी डटकम, शिलापत्र डटकम,  क्यापिटल नेपाल र कर्पोरेट नेपाल डटकम लगायत अनलाइनहरुमा व्यापार तथा व्यवसाय बिटमा काम गरेका भण्डारी युवा र स्वतन्त्र पत्रकारितामा रुचि राख्छन् । 

नेपालको पत्रकारिताको अनुभव अब अमेरिकामा रहेका नेपालीहरुको हक, हित, सेवा र सञ्चारमा समर्पित गर्ने उनको भनाई छ । भण्डारी १०० नेपाली डायस्पोराका सम्पादकसमेत हुन् ।